Violencia fora da USC

Ante os graves acontecementos sucedidos hoxe na facultade de económicas da USC; a Asociación de Estudantes de Arte, Xeografía e Historia "Vindeiros" manifesta que:

1. O sentir da meirande parte do estudantado da USC e, especialmente, de esta Asociación de estudantes, sitúase en contra das agresións a quen unicamente intentaba expresar a súa lexítima opinión, máis aló de que se poida estar de acordo con ela ou non, cuestión que creemos é de valoración individual en función ós compromisos ideolóxicos de cada persoa.

2. A asociación expresa a súa solidariedade con todos aqueles afectados polo altercado.

3. Manifesta o seu desprezo, repulsa e condena cara todo ese tipo de accións así como cara as organizacións que prestan o seu apoio a barbaridades de estas magnitudes.

4. O movemento estudantil non ten nada que ver con este tipo de actuacións e que a sociedade debe saber que a maioría do estudantado da USC comparte e defende uns valores claramente democráticos e, por tanto, a liberdade de expresión.

5. A USC debe garantir a tódolos seus integrantes, e convidados como neste caso, o exercicio dos seus dereitos dentro dos seus lindes, especialmente a liberdade de expresión, pedra angular da vida democrática.

Santiago de Compostela a 12 de febreiro de 08